Nga Dash Frashëri

Diora Çota, 11-vjeçarja që sapo mbylli klasën e pestë në shkollën “Vasil Shanto” në Tiranë ka një talent të lindur në art.

Deri tani ajo numëron plot katër ekspozita në të cilat ka marr pjesë të ndjekura nga mësuesja dhe kuratorja Anisa Sala.

Ishin piktuarat e saj të para në moshën 3-vjeçare që tërhoqen vëmendjen e prindërve, të cilët e regjistruan më pas në një kurs pikture, një rrugëtim që e ndjek me dëshirë prej katër vitesh.

Ekspozita e saj e parë kolektive u mbajt pas përfundimit të pandemis tek “Reja” në dhjetor të vitit 2020. Në të Diora u prezantua me dhjetë punime të sajat, të cilat përfshinin tematika të ndryshme. Kjo ekspozitë për të ishte shumë domethënëse pasi e bëri të kuptoj rëndësinë e punës së saj dhe u mbush me motivim për të punuar akoma më shumë në studio dhe në shtëpi.

Pas një viti Diora do të marr pjesë në ekspozitën e saj të dytë, e cila u mbaj tek Qendra Multifunksionale TEN, e cila u pasqyrua edhe në media duke marrë një vëmendje të veçantë.

Fill pas kësaj të gjithë fëmijët e studios “Emel” u përgatitën për ekspozitën e dytë e cila u mbajt në qershor të vitit 2022 në Muzeun Historik Kombëtar. Në këtë ekspozitë të kuruar me kujdes nga mësuese Anisa, Diora u prezantua me punët e saj më të mira të punuara me lasp dhe në telajo.

Ekspozita e saj e fundit nën titullin “Piktura dhe fëmijët”, edicioni i IV, u mbaj te Galeria e Artit Tiranë.

Një vëmendje të veçantë tërhoqën të gjitha pikturat e punuara nga Diora Çota, e cila gjatë një interviste dhënë për Radio Televizionin Shqiptar u shpreh e kënaqur për arritjet e saj.

Ky rrugëtim, i cili përveç talentit kërkon punë dhe përkushtim ka bërë që 11-vjeçarja Diora Çota të formohet si artiste.

Aktualisht Diora është duke punuar në një projekt tepër të veçantë. Po përgatit vizatimet për librin me tregime për fëmijë që mami i saj, gazetarja Rozeta Pisku, nxjerr së shpejti në librari.

Si fëmijë Diorën e karakterizon një natyrë e qetë ndaj në komunikimin që Tirana Diplomat pati me të ajo na tregoi se dëshira e saj më e madhe është arkitektura.

Edhe pse mes moshatarëve të saj ajo njihet për pikturat e saj të bukura, ajo duket shumë modeste dhe falenedruese për talentin që ka.