Kryeministri Edi Rama ndau sot disa foto nga Aeroporti “Nënë Tereza” në Tiranë, ku udhëtarëve të sapo mbërritur iu ofruan shishe uji nga shërbimet e policisë rrugore.

“Si në shtëpinë e Shqiptarit. Sot udhëtarët e sapo mbërritur në Aeroportin “Nënë Tereza” u përshëndeten nga shërbimet tona të policisë rrugore dhe iu ofruan shishe uji të ftohtë, ndërsa temperaturat arrijnë vlera shumë të larta”, shkroi Rama, në një postim në rrjetet sociale.

Në këtë ditë të nxehtë me temperatura shumë të larta shërbimet e policisë rrugore i përshëndetën udhëtarët me buzëqeshje dhe iu ofruan shishe me ujë të ftohtë për t’i ndihmuar të qëndronin hidratuar.

Përkujdesja dhe kujdesi i treguar ishin një dëshmi e përkushtimit të Shqipërisë për të mirëpritur vizitorët e huaj. /ATSH