Kryetari i Akademisë së Shkencave të Shqipërisë, akad. Skënder Gjinushi, priti më 13 korrik 2023, në një vizitë zyrtare Ambasadorin e Republikës së Bullgarisë në Tiranë, Ivaylo Kirov.

Ishin të pranishëm sekretari shkencor i ASHSH akad. Shaban Sinani, shefi marrëdhënieve me jashtë dr.Dorian Koçi, si dhe përfaqësues të stafit diplomatik të Ambasadës Bullgare në Tiranë.

Akad. Skënder Gjinushi, bëri një prezantim të shkurtër të punës që po bëhet vitet e fundit për reformimin e Akademisë së Shkencave të Shqipërisë dhe historikut të këtij institucioni dhe shprehu dëshirën për zgjerimin e bashkëpunimit të akademive dhe institucioneve kërkimore shkencore mes Shqipërisë e Bullgarisë.

Z.Kirov vuri në dukje miqësinë e gjatë mes dy popujve në kuadër të 110-vjetorit të marrëdhënieve diplomatike, por edhe të marrëdhënieve të mëhershme, që datojnë që nga koha e rilindjes dhe theksoi që Ambasada Bullgare synon forcimin e marrëdhënieve mes dy vendeve, jo vetëm në arsim dhe shkencë, por edhe në fushën e ekonomisë e turizmit.