Nikolla: Yuri Kim, një mike e mirë e shqiptarëve dhe e Kuvendit

Kryetarja e Kuvendit, Lindita Nikolla priti sot në një takim ambasadoren e SHBA, Yuri Kim


Kryetarja e Kuvendit, Lindita Nikolla priti sot në një takim ambasadoren e Shteteve të Bashkuara të Amerikës në Tiranë, Yuri Kim, me rastin e përfundimit të misionit të saj diplomatik në vendin tonë.

Nikolla vlerësoi kontributin e ambasadores Kim për forcimin e partneritetit strategjik mes dy vendeve dhe miqësisë mes dy popujve.

“Misioni juaj në Shqipëri ishte mjaft i suksesshëm. Gjatë shërbimit tuaj u shënua 100-vjetori i marrëdhënieve diplomatike mes Shqipërisë dhe Shteteve të Bashkuara”, tha ajo.

Ajo vlerësoi edhe kontributin për rritjen e rolit të Shqipërisë në bashkëpunimin e integrimin rajonal dhe forcimin e partneritetit në NATO dhe Këshillin e Sigurimit të OKB-së.

“Shqipëria filloi negociatat e anëtarësimit me Bashkimin Evropian. Avancoi reformat e rëndësishme, sidomos reformën në drejtësi, vijimin e vetting-ut, plotësimin dhe bërjen funksionale të organeve të qeverisjes së sistemit, i dha fund kulturës së pandëshkueshmërisë. U rrit roli i Shqipërisë në zhvillimet, bashkëpunimin dhe integrimin rajonal, u forcua partneriteti strategjik shembullor mes Shqipërisë dhe SHBA në NATO dhe Këshillin e Sigurimit të OKB-së”, deklaroi Nikolla.

Takimi me miken e mirë, të dashur e të përkushtuar Ambasadoren Yuri Kim nuk ishte një takim lamtumire.

Faleminderit për…

Posted by Lindita Nikolla on Wednesday, June 21, 2023

Nikolla i shprehi mirënjohjen edhe për mbështetjen e dialogut Kosovë-Serbi.

“SHBA mbështetën dialogun Kosovë-Serbi dhe zgjidhjen sipas Planit Europian të këtij dialogu dhe bashkëpunimit mes dy vendeve”, theksoi Nikolla.

Kryetarja i uroi ambasadores Kim suksese në vijimin e karrierës në Departamentin e Shtetit dhe shprehu bindjen se kudo që të punojë dhe kudo që të ndodhet, do të jetë gjithmonë një mike e mirë e shqiptarëve dhe e Kuvendit të Shqipërisë.

Ambasadorja Kim nga ana e saj vuri në dukje se ishte me fat që shërbeu në Shqipëri, në kohë domethënëse për marrëdhëniet mes Shqipërisë dhe Shteteve të Bashkuara, por edhe në kohë të vështira të zhvillimeve ndërkombëtare.

Ambasadorja Yuri Kim përfundon mandatin e saj në vendin tonë, ndërsa pritet ambasadori i ri amerikan, David Kostelançik, diplomat me karrierë të gjatë në DASH.

Lexo më shumë nga

Salla: Bujqësia 10% më shumë financim në 2027-ën, prioritet fermerët dhe prodhimi vendas

Buxheti i vitit 2027 parashikon 18 miliardë lekë për bujqësinë dhe zhvillimin rural, 10% më shumë krahasuar me vitin 2026.

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Salla: Bujqësia 10% më shumë financim në 2027-ën, prioritet fermerët dhe prodhimi vendas

Buxheti i vitit 2027 parashikon 18 miliardë lekë për bujqësinë dhe zhvillimin rural, 10% më shumë krahasuar me vitin 2026.