Parlamenti bullgar miratoi sot qeverinë e re të kryeministrit Nikolai Denkov.

Votimi në legjislaturën prej 240 deputetësh mori 132 vota pro, 69 kundër dhe asnjë abstenim.

Denkov u caktua si kryeministër nga një koalicion i ”Vazhdojmë ndryshimin” dhe i ”Bullgarisë Demokratike” (CC-DB).

Pas nëntë muajsh, Denkov do të zëvendësohet në këtë post nga Mariya Gabriel e GERB-UDF.

Duke iu drejtuar parlamentit, Denkov u zotua për të paraqitur projektbuxhetin që përcakton deficitin në 3%, për të përmbushur angazhimet në kuadër të programit ndërkombëtar, për të punuar për hyrjen e Bullgarisë në Schengen në 2023 dhe në eurozonë nga fillimi i vitit 2025, dhe për të zbatuar agjendën legjislative, përfshirë ndryshimet në Kushtetutë, në koordinim të ngushtë me Asamblenë Kombëtare.