“Defender Europe 2023″/ Peleshi: Të tregojmë se mund të përballojmë çdo sfidë

Ministri i Mbrojtjes, Niko Peleshi ka përshëndetur Defender Europë 23, ndërsa e konsideron një stërvitje të përmasave të jashtëzakonshme.


Ministri i Mbrojtjes, Niko Peleshi ka përshëndetur Defender Europë 23, ndërsa e konsideron një stërvitje të përmasave të jashtëzakonshme.

Në fjalën e tij në Sheshin “Nënë Tereza”, ndërsa falënderoi aleatët e Shqipërisë, Peleshi tha se synimi i kësaj stërvitje është të tregojë se vendi ynë mund të përballojë çdo sfidë në fushën e sigurisë dhe mbrojtjes, e po ashtu të sigurojë qytetarët e Forcat tona të Armatosura janë gati në çdo moment të mbrojnë kufijtë e atdheut.

“Dy vite më parë u testuam me sukses për kapacitet tona, sot me po aq sukses po përballojmë të tjera detyra, përfshirë ato drejtuese dhe koordinuese. Dimensioni që ka Defender dhe angazhimi që kërkon është i një niveli sfidues. Ne i jemi përgjigjur denjësisht këtyre sfidave dhe synimi ynë është të tregojmë se mund të përballojmë çdo situatë që mund të krijohet në fushën e sigurisë dhe mbrojtjes, duke përmbushur çdo detyrë që na takon si vend i NATO-s. Një tjetër synim madhor është të sigurojnë qytetarët tanë se Forcat e Armatosura të Shqipërisë janë gati të përmbushin detyrën e tyre, atë të mbrojtjes së kufijve të atdheut. Një rëndësi madhore ka kjo stërvitje për të treguar se vendet e Ballkanit Perëndimor mbeten të palëkundura në drejtimin e tyre drejt vlerave euro-atlantike”, tha Peleshi.

Ndërsa shpresoi që stërvitje të tilla të kthehen në një traditë, Peleshi theksoi se Defender Europë 23 ka natyrë mbrojtëse dhe fokusohet në përgatitjen e përbashkët në përgjigje të krizave në një zonë të gjerë operacionesh, duke demonstruar aftësitë për të ofruar stabilitet dhe siguri në rajonin e Europës.

“Një stërvitje e përmasave të jashtëzakonshme. Shpresoj që stërvitje të tilla të kthehen në një traditë që do shërbejnë për mbajtjen në gatishmëri të FA. Stërvitja është një stërvitje shumëkombëshe drejtuar nga ushtria amerikane. Me dinjitet po përfaqësohet edhe personeli ushtarak i vendeve të Ballkanit perëndimor. Stërvitja ka natyrë mbrojtëse dhe fokusohet në përgatitjen e përbashkët në përgjigje të krizave në një zonë të gjerë operacionesh, duke demonstruar aftësitë për të ofruar stabilitet dhe siguri në rajonin e Europës. Zhvillohet në një kohë sprove, në kërcënimin real të kufijve të aleancës për shkak të agresionit të pajustifikuar të Rusisë kundër Ukrainës. Populli i Ukrainës po mbron me vetëmohim dhe sakrificë atdheun. Një popull i tillë meriton ndihmë dhe mbështetjen tonë të pakursyer. Defender 2023 rikonfirmon bashkëpunimin e ngushtë që Shqipëria ka me SHBA. FA e Shqipërisë janë pjesë e rëndësishme e kësaj stërvitje dhe po tregojnë profesionalizëm të lartë”, u shpreh Ministri.

Defender Europe 23, ngjarja më e rëndësishme ushtarake e vitit, po mbahet këtë të hënë (22 maj) në sheshin “Nënë Tereza” dhe përfshin 24 mijë ushtarakë nga vendet aleate dhe partnerët. Stërvitja e përbashkët shumëkombëshe e drejtuar nga Komanda Europiane e SHBA është projektuar për të ndërtuar gatishmërinë dhe ndërveprueshmërinë midis aleatëve dhe partnerëve të SHBA dhe NATO-s. Më shumë se 20 vende aleate dhe partnere do marrin pjesë në Defender Europe 23.

/rtsh.al/

Bashkëpunimi në nivel vendor me Kosovën, Mazniku pret ambasadorin Durmishi

Ministri i Shtetit për Pushtetin Vendor, Arbian Maznku, pret ambasadorin e Kosovës, Skënder Durmishi.

Global 360

Qeveria Mitsotakis i mbijeton mocionit të mosbesimit

Nga 300 të pranishmit në sallë votuan pro vetëm 141 ligjvënës, numër i pamjaftueshëm për të rrëzuar qeverinë.

Diplovista

Moisiu: Greqia të ndryshojë sjelljen ndaj Shqipërisë!

Ish-presidenti i Shqipërisë Alfred Moisiu, intervistë për Euronews Albania

Gjeopolitika

Pika të zeza apo të ndritshme?

Viti 2024 duket që do të shënjohet nga luftrat dhe zgjedhjet, të cilat do të ndikojnë në fatin e një…

OPED

NATO shpëtoi Kosovën nga spastrimi etnik i forcave serbe!

Ish-Ministri i Jashtëm: 24 Marsi i vitit 1999 mbetet i pashlyer në memorien e kombit tonë!

Profil

Ibrahim Kodra, “poskubisti” i fundit në Europë

Kur ishte fëmijë, portreti që i bëri komandantit të xhandarmërisë së qytetit rezultoi fatsjellës për të.

Masmedia

Bashkëpunimi në nivel vendor me Kosovën, Mazniku pret ambasadorin Durmishi

Ministri i Shtetit për Pushtetin Vendor, Arbian Maznku, pret ambasadorin e Kosovës, Skënder Durmishi.