Ambasadori i Shqipërisë në Gjenevë, z. Dastid Koreshi, zhvilloi një takim kortezie me Sekretaren e Përgjithshme të Unionit Ndërkombëtar të Telekomunikacioneve (ITU), znj. Doreen Bogdan-Martin.

Sipas njoftimit të Misionit, Ambasadori Koreshi theksoi rëndësinë që Shqipëria i kushton ITU-së dhe nënvizoi se teknologjia është prioritet strategjik për vendin, ku 95% e shërbimeve publike janë dixhitalizuar;

vuri në dukje se teknologjia lehtëson dhe përshpejton procesin e integrimit evropian, përfshirë përafrimin e legjislacionit, dhe vlerësoi rolin e ITU-së në botën dixhitale;

shprehu interesin e Shqipërisë për vazhdimin e trajnimeve në fushën e sigurisë kibernetike; vlerësoi drejtimin e ITU-së nga znj. Bogdan-Martin, të përqendruar te lidhshmëria universale, transformimi dixhital inteligjenca artificiale.
Sekretarja e Përgjithshme vlerësoi të jashtëzakonshëm përparimin e Shqipërisë gjatë viteve të fundit në fushën e teknologjisë së informacionit e komunikimit dhe ftoi Shqipërinë të japë eksperiencën e saj në aktivitetet rajonale. Znj. Bogdan ofroi organizimin e sesioneve të thelluara për çdo temë me interes për Shqipërinë.