Deputeti i Partisë Demokratike, Kreshnik Çollaku së bashku me Merita Bakiun zhvilluan takim si përfaqësues të Partisë Demokratike me Këshillin e Ambasadorëve Amerikanë.

Çollaku tha në një postim në rrjetet sociale se “me miqtë nga SHBA diskutuam hapur dhe gjerësisht për situatën e brendshme politike, zgjedhjet lokale të 14 majit si dhe situatën në rajon me fokus të veçantë Kosovën”.

“Miqve nga SHBA u theksova se lufta kundër korrupsionit është jetike për Shqipërinë dhe krejt Ballkanin. Partia Demokratike vlerëson të një rëndësie strategjike të pazëvendësueshme partneritetin me SHBA dhe garantova se ky partneritet strategjik mes PD dhe SHBA do të mbetet i pacenueshëm”, u shpreh Çollaku.