Aktualisht, në Shqipëri jemi në fazën e negociatave të investimeve në rrjetin e shpërndarjes së gazit, tha sot presidenti i Azerbajxhanit, Ilham Aliyev, sipas Agjencisë Shtetërore të Lajmeve të Azerbajxhanit.

Njoftimi i tij erdhi gjatë një fjalimi në konferencën e katërt ndërkombëtare me temë “Formimi i Gjeopolitikës së Euroazisë së Madhe” e organizuar nga Universiteti ADA.

“Shqipëria është një vend transitor, por nuk ka një rrjet të shpërndarjes së gazit”, tha Aliyev.

“Ne po planifikojmë të investojmë një shumë të konsiderueshme parash për të krijuar një rrjet të shpërndarjes”, theksoi presidenti Aliyev.

“Nëse projekti shkon sipas planit, synohet që gazi të eksportohet në gjashte vende brenda 1 viti”, theksoi kreu i shtetit. /ATSH