Kryeministri Edi Rama deklaroi nga Libohova se, “qeveria do të vazhdojë të mbështesë zhvillimin e kësaj zone, të qarkut Gjirokastër që është e bekuar nga Zoti dhe nga paraardhësit që kanë lënë xhevahire të panumërta”.

Në fjalën e tij gjatë një takimi informues me bizneset për pagat e punonjësve në Libohovë, Rama theksoi se, “më kujtohet kur kam ardhur herën e parë në Libohovë dhe nuk i kam besuar dot syve përballë një realiteti që dukej sikur ishte film, film nga një kohë shumë e largët në një vend të braktisur, të harruar gjithçka ishte e zymtë, çfarë shikojmë këtu sot nuk eksizstonte dhe realisht kam pasur një angushti të madhe dhe pyeta veten, jo vetëm këtu, por edhe në vende të tjera, po Libohvoa ishte një nga këto, si kishte akoma mundësi që kishte akoma njerëz që vazhdonin të rrinin këtu në një lloj kurthi nga ku ishte absolutisht gjëja më e natyrshme që të dilje dhe të vazhdoje të rrije ishte diçka e pabesueshme”.

“Duke parë gjithë këtë mrekulli rreth e rrotull, që qoftë natyra apo Zoti, qoftë paraardhësit i kanë lënë kësaj zone, qysh atëherë e kisha të fiksuar që Libohova ishte një nga pikat ku ndërhyrjet tona do të sillnin jetë, do të sillnin shpresë, ardhmëri”, tha Rama.

Në shumë vende, vijoi kryeministri Rama, “do të sillnin edhe farat e para të agroturzimit dhe të një mudnësie të re për t’i kthyer këto bukuri të natyrës, këto monumente të trashëgimisë kulturore, për t’i kthyer shtëpitë bashkë me to, në mekanizma të ardhurash për arkën e familjes”.

“Jam i bindur se gjithkush që investon në agroturizëm në rast se është në emigracion, në Greqi, fiton më shumë duke investuar këtu investimet e veta, duke hapur derën për të mirëpritur njerëz që vijnë këtu, se sa duke bërë një punë atje e duke marrë një rrogë”, tha Rama.

“Jo vetëm Gjirokastra, por edhe Dropulli, për të mos folur për Memaliaj, Tepelenën apo Këlcyrën dhe Përmetin, ishin realisht në gjendje agonie, zvarritje, në gjendje akute sepse askush nuk kthente kokën për të parë se çfarë potenciali të madh ka kjo zonë. Jo vetëm kaq, por monumentet e kulturës ishin në degradim të vazhdueshëm. E mbani mend shumë mirë kishën se si u shpëtua në buzë të varrit, në momentin e fundit të dhënies së lamtumirës kësaj bote. Kisha është një nga magnetet më të forta për të sjellë njerëzit në Libohovë”, tha Rama.