Kandidati i koalicionit “Bashkë Fitojmë” për Bashkinë e Tiranës, Belind Këlliçi paraqiti sot në mbrëmje në një emision televiziv, projektin që, sipas tij, do të sjellë zgjidhjen e një prej problemeve më të mëdha që ka sot kryeqyteti, që është trafiku i rënduar.

Këlliçi tha se hapja e dy nënkalimeve poshtë sheshit Skënderbej do të reduktonte pothuajse përgjysmë trafikun në Tiranë.

“Është një ndërhyrje që kushton 4.7 deri në 4.9 milionë euro, dhe nuk e cenon sheshin Skënderbej”, pohoi Këlliçi.

Këlliçi shpjegoi projektin që ka për transportin publik falas, dhe përfitimet që sipas tij, “i vijnë direkt 200 mijë përdoruesve duke u kursyer atyre deri në 50 mijë lekë në muaj, por po ashtu, duke ndihmuar në zbutjen e trafikut, dhe uljen e ndotjes së ajrit”.

Këlliçi siguroi se fondet janë, dhe Bashkia i ka mundësitë, por sipas tij, “sot buxheti abuzohet e shpërdorohet me shpenzime që i shërbejnë kryetarit, por jo qytetarëve”.