Pesë mijë emblema të Ushtrisë Çlirimtare të Kosovës “veshën” sot monumentin e pavarësisë NEWBORN, në Kosovë.

Kryeministri Edi Rama ndau në rrjetet sociale fotografi të monumentit të pavarësisë së Kosovës, i cili nderon luftën e UÇK-së për pavarësi.

“Pas ‘burgosjes’ simbolike me një grilë hekuri të përkujtimores së mirënjohur NEWBORN, me mbishkrimin ‘Kosova e burgosur’ sot aktivistët kanë vendosur 5000 emblema të UÇK-së”, u shpreh Rama.

Monumenti ikonik i Kosovës NEWBORN është shndërruar edhe këtë vit në qendër të aktivitet3eve që përkujtojnë pavarësinë e Kosovës dhe Luftën e UÇK-së.

Më herët aktivistët e platformës “Liria ka emër” në mënyrë simbolike rrethuan monumentin me rrethime hekuri duke e kthyer në një imazh burgu.

Në rrethim është vendosur tabela me logon e Dhomave të Specializuara me mbishkrimin “Kosova e burgosur”.

Simbolika e zgjedhur këtë vit në 18-vjetorin e pavarësisë së Kosovës vjen në një moment kur prokurorët e Hagës kanë kërkuar dënimin me 45 vjet burg për katër udhëheqësit e UÇK-së, të cilët mbahen të paraburgosur në Hagë.

Burimi ATSH