Në kuadër të 80-vjetorit të Federatës Shqiptare të Volejbollit, ministri Turizmit, Kulturës dhe Sportit, Blendi Gonxhja, zhvilloi një takim me përfaqësuesit e CEV (Federata Evropiane e Volejbollit) dhe Federatës Shqiptare të Volejbollit

Gjatë takimit, u diskutuan zhvillimet më të fundit të volejbollit shqiptar dhe mundësitë për të thelluar bashkëpunimin ndërkombëtar.

Gonxhja bisedoi me Roko Sikiric, president i CEV (Federata Evropiane e Volejbollit), Vuk Karanovic, Managing Director, Erlind Pellumbi, President i Federatës Shqiptare të Volejbollit, dhe Konalsi Gjoka, zëvendëspresident.

Në takim, sipas ministrit u diskutua mbi zhvillimet më të fundit të volejbollit shqiptar, si dhe mundësitë për të thelluar bashkëpunimin ndërmjet institucioneve kombëtare dhe strukturave evropiane të volejbollit.

Diskutimet përfshinë edhe perspektivat për të ardhmen, me fokus të veçantë zhvillimin e beach volley përgjatë bregdetit shqiptar.

“Po ashtu, diskutuam mbi perspektivat për zgjerimin e bashkëpunimit në të ardhmen, me fokus të veçantë zhvillimin e beach volley përgjatë bregdetit shqiptar, nga Shkodra në Sarandë, duke kontribuar njëkohësisht në zhvillimin e sportit dhe në promovimin e turizmit sportiv”, theksoi Gonxhja.

Gonxhja informoi se në takim u vlerësua puna e bërë ndër vite nga Federata Shqiptare e Volejbollit për rritjen e këtij sporti, si dhe rolin e mbështetjes institucionale në forcimin e ekipeve kombëtare dhe kapaciteteve federative.

“Theksuam kontributin e vazhdueshëm të CEV në zhvillimin e volejbollit në Shqipëri, përmes projekteve infrastrukturore në shkolla, programeve të trajnimit për mësues dhe trajnerë, si dhe organizimit të aktiviteteve dhe finaleve evropiane për grupmoshat e reja”, nënvizoi ministri.

Burimi ATSH