Ministri i Drejtësisë, Besfort Lamallari gjatë qëndrimit në Strasburg, zhvilloi sot takim me Sekretarin e Përgjithshëm të Këshillit të Evropës, Alain Berset.

Në takim, sipas Lamallarit, u bisedua mbi partneritetin strategjik Shqipëri–KE dhe mbështetjen që vendi ynë merr në proceset transformuese të drejtësisë.
Po ashtu, ministri i Drejtësisë takoi edhe Presidentin e Asamblesë Parlamentare, Theodoros Rousopoulos si dhe Michael O’Flaherty, Komisioner për të Drejtat e Njeriut. Në takimet me ta, Lamallari riafirmoi angazhimin e palëkundur për mbrojtjen e të drejtave dhe lirive themelore, veçanërisht të grupeve më vulnerabël të shoqërisë.

“Diskutime të frytshme për të forcuar bashkëpunimin tonë në fushën e shtetit të së drejtës, mbrojtjes së të drejtave të njeriut dhe zbatimit të reformave që Shqipëria po ndërmerr me vendosmëri. Vazhdojmë të punojmë me përkushtim për të çuar përpara standardet europiane dhe për të forcuar institucionet demokratike në vendin”, shkroi Lamallari në rrjetet sociale.

Burimi ATSH