Duke komentuar fjalimin e udhëheqësit të autoriteteve tajvaneze Lai Ching-te me rastin e 10 tetorit, zëdhënësi i Ministrisë së Jashtme të Kinës Guo Jiakun u shpreh të premten në një konferencë shtypi se fjalimi i Lai-së shtrembëroi faktet, përsëriti teorinë e gabuar separatiste të “pavarësisë së Tajvanit” duke sfiduar konsensusin ndërkombëtar.

Në fjalimin e mbajtur më 10 tetor, Lai Ching-te përhapi përsëri teorinë e “pavarësisë së Tajvanit” dhe i kërkoi Kinës të “ndalojë shtrembërimin e Rezolutës Nr.2758 të Asamblesë së Përgjithshme të OKB-së”.

Lidhur me këtë, Guo Jiakun u shpreh se në botë ka vetëm një Kinë, Tajvani është pjesë e pandarë e territorit të Kinës, kjo është situata e vërtetë në Ngushticën e Tajvanit.

“Tani aktivitetet separatiste të ‘pavarësisë së Tajvanit’ dhe ndërhyrja e jashtme janë kërcënimet më të mëdha për paqen në Ngushticën e Tajvanit. Orvatjet e autoriteteve të Lai Ching-tes për kërkimin e pavarësisë me forcat e armatosura dhe kundërshtimin e ribashkimit të atdheut, do të nxitin vetëm Tajvanin të futet në gjendjen e rrezikshme të luftës. Për të mbrojtur paqen në Ngushticën e Tajvanit, duhet t’i përmbahemi parimit të një Kine dhe të kundërshtohet ‘pavarësia e Tajvanit’,” tha Guo Jiakun.

Guo Jiakun shtoi se ky vit shënon 80-vjetorin e fitores së Luftës së Rezistencës së Popullit Kinez Kundër Agresionit Japonez dhe Luftës Botërore Antifashiste. Gjithashtu 80-vjetorin e çlirimit të Tajvanit nga agresorët japonezë. Dokumentet e ligjit ndërkombëtar si “Deklarata e Kajros”, “Deklarata e Potsdamit”, “Instrumenti i Dorëzimit të Japonisë” etj. kanë përcaktuar sovranitetin e Kinës mbi Tajvanin. Rikthimi i Tajvanit në Kinë është një rezultat i rëndësishëm në fitoren e Luftës Botërore Antifashiste. Rezoluta Nr. 2758 e Asamblesë së Përgjithshme të OKB-së zgjidhi problemin e përfaqësimit të Kinës duke përfshirë Tajvanin në OKB. Kjo tregon plotësisht parimin e një Kine. Çdo orvatje për shtrëmbërimin e fakteve historike dhe sfidimin e rezolutës Nr.2758, është jo vetëm sfida ndaj sovranitetit dhe tërësisë territoriale të Kinës, por edhe sfida ndaj rendit ndërkombëtar pas Luftës së Dytë Botërore.

Burimi CGTN