Të shtunën pasdite u zhvillua në Universitetin e Pekinit Simpoziumi i Komunikimit Ndërkombëtar me rastin e 80-vjetorit të fitores së Luftës së Rezistencës të Popullit Kinez kundër Agresionit Japonez dhe të Luftës Antifashiste Botërore. Në simpozium morën pjesë rreth 150 personalitete kineze dhe të huaja, gazetarë, pedagogë e studentë.

Gjatë Luftës së Rezistencës të Popullit Kinez kundër Agresionit Japonez, shumë të huaj, duke përfshirë Edgar Snow-n etj., erdhën në Kinë për ta ndihmuar popullin kinez në luftë, duke i paraqitur botës Kinën e vërtetë.

Nipi i mikes amerikane Helen Foster Snow, Eric Foster, u shpreh në simpozium se ky aktivitet përkujtimor me rastin e 80-vjetorit të fitores së Luftës së Rezistencës të Popullit Kinez kundër Agresionit Japonez ka rëndësi të madhe, sepse mund të na ndihmojë të kujtojmë historinë dhe të edukojë më shumë njerëz që ta njohin këtë histori për të parandaluar përsëritjen e tragjedive të tilla historike.

Ky vit shënon edhe 120-vjetorin e lindjes së shkrimtarit dhe gazetarit amerikan Edgar Snow. Simpoziumi i hodhi një vështrim kontributit të miqve të huaj, si Edgar Snow, në komunikimin ndërkombëtar të Luftës kundër Agresionit Japonez.

Në simpozium të ftuarit dëshmuan gjithashtu nisjen e projekteve “Studiuesit Ndërkombëtarë – ‘Edgar Snow'”, “Baza e Të Dhënave e Miqve Ndërkombëtarë”, “Intervistë ndërkombëtare” etj.

Burimi CGTN