Kredia për sektorin privat ka vijuar të ketë një ecuri pozitive në muajt e parë të këtij viti, bëri të ditur sot Banka e Shqipërisë.

Sipas statistikave të Bankës së Shqipërisë, ritmi i rritjes së kredisë ka ardhur në rritje, duke regjistruar nivelin 12,4 % në muajin prill 2025, krahasuar me të njëjtën periudhë të vitit të kaluar.

Zgjerimi i kredisë vijon të mbështetet në masën më të madhe nga rritja e shpejtë e portofolit të kredisë në lekë, si pasojë e nivelit të ulët të normave të interesit. Po ashtu, zgjerimi i kredisë vijon të ketë një bazë të gjerë, duke mbuluar nevojat e bizneseve dhe të familjeve si për investime, ashtu edhe për konsum e kapital qarkullues.

Në të njëjtën kohë, portofoli i kredisë vijon të ketë një cilësi të mirë, sikundër dëshmohet nga nivelet e ulëta të treguesit të kredisë me probleme dhe pesha e saj (kredi për çeljen e biznesit) në totalin e kredisë për sipërmarrjet zë 1,2%.

Burimi ATSH