Qeveria shqiptare ka vendosur të zgjasë me një vit afatin e qëndrimit të shtetasve të Ukrainës në Shqipëri.

Në bazë të vendimit të ndryshuar sot nga Këshilli i Ministrave, qëndrimi i shtetasve të Ukrainës në Shqipëri rritet nga 3, në 4 vjet.

Vendimi i Këshillit të Ministrave, i cili ishte miratuar fillimisht më 18 mars 2022, i lejon tashmë shtetasit e Ukrainës që të hyjnë dhe të qëndrojnë pa leje qëndrimi në Shqipëri për një afat deri në 4 vite.

Ministria e Brendshme dhe Ministria për Evropën dhe Punët e Jashtme ngarkohen për zbatimin e këtij vendimi, i cili hyn në fuqi pas botimit në Fletoren Zyrtare.

Burimi ATSH