Presidenti i Azerbajxhanit, Ilham Aliyev mbërriti sot në Tiranë në kuadër të pjesëmarrjes në samitin e Komunitetit Politik Evropian që do të zhvillojë punimet nesër në vendin tonë.

Presidenti Aliyev u prit në aeroport nga zëvendëskryeministrja Belinda Balluku, njëherësh ministre e Infrastrukturës dhe Energjisë.

“Në kuadër të Samitit të Komunitetit Politik Evropian (EPC) sot dhe nesër do të jenë në Tiranë liderë nga i gjithë kontinenti. Pata nderin të pres në aeroportin ndërkombëtar ‘Nënë Tereza’ Presidentin e Azerbajxhanit, Ilham Aliyev”, shkruan Balluku, ndërsa ndan në rrjetet sociale foto nga pritja në aeroport.

Samiti i Komunitetit Politik Evropian do të zhvillojë punimet nesër në Tiranë, me pjesëmarrjen e liderëve europianë.

Ndërkohë sot liderët e Këshillit Evropian dhe të Bashkimit Evropian do të mblidhen në një darkë pune në Tiranë me udhëheqësit e rajonit të Ballkanit Perëndimor.

Burimi ATSH