Kryeministri i Shqipërisë, Edi Rama, ka falënderuar Kryeministrin e Spanjës, Pedro Sánchez, pas urimit të këtij të fundit për fitoren e Partisë Socialiste në zgjedhje.

Përmes një mesazhi në rrjetet sociale, Rama u shpreh thellësisht mirënjohës për mbështetjen që Sánchez i ka dhënë jo vetëm në kuadër të marrëdhënieve mes dy partive socialiste dhe asaj ndërkombëtare, por edhe në procesin e integrimit evropian të Shqipërisë.

“Çfarë privilegji të udhëheq PS-në në të njëjtën periudhë me udhëheqjen tënde mbresëlënëse në krye të PSOE dhe Internacionales Socialiste,” – shkroi Rama, duke e cilësuar Sánchezin si një vëlla në këtë rrugëtim politik.

Kujtojmë se në mesazhin e tij, Pedro Sánchez theksoi se shqiptarët kanë dhënë një mbështetje të fortë për përpjekjet që Shqipëria të bëhet pjesë e Bashkimit Evropian, duke uruar Ramën për suksesin në zgjedhje.