Xhamia e Plumbit në Shkodër, një nga monumentet më të rralla të trashëgimisë sonë kulturore, është rikthyer më e bukur se kurrë më parë.

E restauruar me kujdes dhe pasion, kjo perlë arkitekturore tani qëndron hijerëndë pranë Kalasë së Rozafës, në zemër të zonës historike të Shkodrës.

Kryeministri Edi Rama ndau sot pamje nga restaurimi i Xhamisë së Plumbit ku shkruan se ka dalë nga bataku i përmbytjeve kronike dhe është kthyer në një xhevahir plot shkëlqim.

“Kryevepra te arkitekturës islame e të trashëgimisë sonë kulturore, Xhamia e Plumbit në Shkodër, e cila ka mahnitur historianët për stilin e vet origjinal, ka dalë nga bataku i përmbytjeve kronike ku lëngonte në kthetrat e rrënimit, për t’u kthyer në një xhevahir plot shkëlqim të servirur me hijeshi për sytë e besimtarëve e vizitorëve të shumtë”, shkruan Rama.

Xhamia e Plumbit në Shkodër, e ndërtuar më 1773-1774, është xhamia osmane më e madhe në të gjithë Shqipërinë, Monument Kulture i Kategorisë së Parë.

Rivitalizimi i kësaj xhamie unikale në Shkodër përfshiu jo vetëm restaurimin e thellë të saj, por edhe transformimin e hapësirës përreth.

Pas restaurimit, Xhamia, e ndërtuar nga i mirënjohuri arkitekt Sinani, pritet të kthehet në një tjetër atraksion turistik për qytetin.

Përtej restaurimit të Xhamisë është punuar edhe për restaurimin e pjesës së jashtme.

Burimi ATSH