Gazetarja e njohur Rezarta Delisula ka publikuar librin kushtuar Tiranës, “Hasmëritë që tronditën Tiranën e 1800-s”, i cili bazohet në dokumente osmane.

Apeli që ajo u drejtoi pinjollëve të këtyre familjeve ishte ai i bashkëpunimit për të mos lënë të humbasin detajet historike të qytetit, të historisë së familjeve dhe rrugëtimit të tyre përgjatë dekadave. Kështu, dokumentet, objektet, historitë e trashëguara gojarisht brenda familjes duhet të ruhen e të bëhen pjesë edhe e atyre që e gjetën Tiranën kryeqytet, ndërsa tironsit bëhen gjithnjë e më shumë pakicë në një qytet që rritet e bëhet metropol.

Dy vite më parë, Delisula publikoi librin “Çfarë ka qenë Tirona”, ndërsa në 2018-ën, librin e parë “Tirana-Mahnia”.

Në librin “Çfarë ka qenë Tirona”, publikuar në vitin 2022 (452 faqe), Delisula përcjell, kontributin e popullsisë tironse në ndërtimin e institucioneve arsimore, si dhe detaje e kuriozitete të panjohura më parë mbi funksionimin e qytetit dhe jetën e banorëve të tij.

Në këtë libër Delisula rrëfen copëza historie që zhvilloheshin në Tiranën e viteve 1800.

“Ky libër është një botim dokumentar për historinë e Tiranës, me dokumente që dalin nga arkivat osmane për herë të parë e që kanë vlerë të padiskutueshme në historinë e kryeqytetit”, shprehet Delisula në parathënien e librit.