Të enjten pasdite, presidenti kinez Xi Jinping, priti një simpozium mbi promovimin gjithëpërfshirës të mbrojtjes ekologjike dhe zhvillimit me cilësi të lartë të pellgut të Lumit të Verdhë, në qytetin Lanzhou të Provincës Gansu, ku dhe mbajti një fjalim të rëndësishëm.

Ai theksoi se duhet zbatuar me ndërgjegje fryma e Kongresit të 20-të PKK dhe e Plenumit të Tretë të Komitetit Qendror të 20-të të PKK. Duhen kuptuar me vendosmëri kërkesat strategjike të fokusimit në mbrojtje dhe qeverisje. Duhen thelluar më tej reformat gjithëpërfshirëse si forca lëvizëse. Duhet zbatuar respektimi i prioritetit ekologjik dhe zhvillimit të gjelbër. Duhet zbatuar ruajtja e ujit, përmbajtja e kushteve lokale me politikat e diferencuara, përmbajtja ndaj planifikimit të përgjithshëm dhe avancimit të koordinuar, me qëllim për të promovuar mbrojtjen ekologjike në të gjithë pellgun e Lumit të Verdhë në një nivel të ri, për të arritur suksese në transformimin e gjelbër dhe në zhvillimin me cilësi të lartë, për të përmirësuar më tej jetën e njerëzve dhe për të krijuar situatën e re të mbrojtjes ekologjike në pellgun e Lumit të Verdhë.

Lanzhou është kryeqendra e provincës Gansu dhe ndalesa e tretë e vizitë-inspektimit të kreut të shtetit të Kinës në dy provinca veriperëndimore të vendit.

Para vizitës në qytetin Lanzhou, nga e marta pasdite deri të mërkurën në mëngjes, ai bëri vizita inspektimi në qytetet Baoji të provincës Shaanxi dhe Tianshui të provincë Gansu.

Në Baoji, ai vizitoi Muzeun e Bronzit e një park ekologjik përgjatë lumit Weihe, për të mësuar rreth përpjekjeve vendore për të forcuar mbrojtjen e relikteve kulturore dhe ruajtjen ekologjike të lumit Weihe, dega më e madhe e Lumit të Verdhë.

Gjatë inspektimit të muzeut, presidenti theksoi zhvillimin e një ndjenje nderimi e dashurie për qytetërimin kinez dhe bëri thirrje për trashëgimin e kulturës së shkëlqyer tradicionale të Kinës nga brezi në brez.

Në Tianshui, Xi shkoi në tempullin “Fuxi”, në një bazë të prodhimit të mollëve e në shpellat “Maijishan”, për t’u njohur nga afër me mbrojtjen e trashëgimisë kulturore dhe zhvillimin e industrisë moderne të përpunimit të frutave në zonat malore.

Tempulli “Fuxi” i kushtohet Fuxi-së, një figurë e njohur në mitologjinë kineze.

Burimi: CRI.CN