Ambasadori i Shqipërisë në Serbi, Dr. Bardhyl Canaj, mori pjesë në Meshën Episkopale të organizuar nga Kisha e Virgjëreshës Marie, në qytetin e Beçej, provinca e Vojvodinës në Serbi.

Në Meshën kremtuese u përurua Pllakata përkujtimore e Nënë Terezës.

POSTIMI I AMBASADËS

Ambasadori Canaj mori pjesë në Meshën Episkopale të organizuar nga Kisha e Virgjëreshës Marie, në qytetin e Beçej. Në Meshën kremtuese u përurua Pllakata përkujtimore e Nënë Terezës.

Në këtë ceremoni, të organizuar nga Famulltari i Famullisë së Zonjës Marie në Obeç, Laszlo Fuderer,foli Ipeshkëvi Z. Fazekas Ferenc, i cili nënvizoi rolin e kontributin human në ndihmë të të varfërve, njerëzve në nevojë e të sëmurëve të Nobelistes shqiptare të Paqes, Shenjtërisë Nënë Tereza.

I pranishëm ishte dhe kryetari i Bashkisë së Beçej, Z.Vuk Radojeviç e dhjetëra besimtarë.

Ambasadori Canaj falenderoi drejtuesit e Kishës së Virgjëreshës Marie për këtë Meshë- vlerësimi të Nënë Terezës dhe veçmas kontributin e lobimin e Konsullit të Nderit të Shqipërisë në Hungari, Z.Avni Hafuzi.