Kryeministri Edi Rama, përcolli sot në rrjete sociale pamje nga kishën e Shën Ndout në Laç, ku shihen besimtarë të shumtë që kanë zgjedhur të vizitojnë vendin e shenjtë në këtë fillim viti të ri.

“E marta e parë e vitit, dhjetëra besimtarë në kishën e Shën Ndout”, shkroi Rama, teksa ndau fotografi nga disa ambiente të kishës së Shën Ndout.

Kisha e Shna Ndout daton që nga shekulli XIII dhe objekti i rëndësishem i kultit mori famë për shkak të Shna Ndout, një predikues i njohur katolik.

Duke nisur nga mesi i muajit mars janë 13 të marta që respektohen nga besimtarët për pelegrinazhin drejt kishës së Shna Ndout në Laç.

Mijëra persona udhëtojnë çdo të martë drejt kishës së Shna Ndout në Laç deri në diten e 13 qershorit kur është dhe festa e këtij shejti.

Pelegrinazhi i 13 të martave bashkon Shqiptarë të cilët i përkasin feve të ndryshme, muslimanë, katolikë, ortodoks, të cilët pavarësisht besimit të tyre zgjedhin të vizitojnë “vendin që bën mrekulli”.

(Marrë nga ATSH)