Në një kohë që personat LGBTI ende përjetojnë shkallë të lartë diskriminimi dhe abuzimi, përfshirë dhunën, për shkak të orientimit të tyre aktual ose të perceptuar seksual, identitetit gjinor dhe karakteristikave seksuale, Komisioni Evropian kundër Racizmit dhe Intolerancës (ECRI) i Këshillit të Evropës publikoi sot një rekomandim për ndalimi i intolerancës dhe diskriminimit ndaj personave LGBTI.
Edhe individët mund t’i nënshtrohen diskriminimit dhe abuzimit për shkak të lidhjes së tyre me personat LGBTI. Intoleranca dhe diskriminimi ndaj personave LGBTI manifestohen në mënyra komplekse dhe të larmishme, duke ndikuar negativisht në të drejtat e njeriut të personave LGBTI, veçanërisht të drejtat e tyre ligjore, sociale dhe politike, të cilat duhet të gëzohen në të njëjtën mënyrë si gjithë të tjerët.

ECRI u bën thirrje politikëbërësve evropianë në nivel kombëtar, rajonal dhe vendor, të zhvillojnë masa që pengojnë një diskriminim dhe intolerancë të tillë, dhe duke e bërë këtë, të marrin parasysh diversitetin që ekziston në orientimet seksuale, identitetet gjinore dhe karakteristikat seksuale. Prandaj, ata duhet gjithashtu të njohin të drejtat dhe nevojat e individëve që bëjnë pjesë në më shumë se një nën-kategori LGBTI. Sipas pikëpamjes së ECRI-t, është gjithashtu jetike të njihen të drejtat dhe nevojat e individëve LGBTI që vuajnë diskriminim ndërsektorial për shkak të aspekteve të tjera kyçe të identitetit të tyre ose realiteteve të jetuara, duke përfshirë prejardhjen e tyre etnike ose kombëtare, shtetësinë, fenë, gjininë, aftësinë e kufizuar, statusin, përfshirë atë të refugjatit ose përkatësinë në komunitetin rom ose udhëtar.

Rekomandimet e ECRI përfshijnë si më poshtë:

• Ti jepet prioritet të lartë promovimit dhe arritjes së barazisë për personat LGBTI dhe luftimit të diskriminimit dhe intolerancës ndaj tyre, duke marrë të gjitha masat pozitive, duke përfshirë legjislacionin, politikat administrative dhe strategjitë kombëtare ose planet e veprimit që do të siguronin që personat LGBTI të jenë të sigurt, të mbrojtur në mënyrë të barabartë nga ligji dhe të aftë për të gëzuar të drejta dhe liri në të njëjtën masë si të gjithë anëtarët e tjerë të shoqërisë.
• Të sigurohet që masat e marra për të luftuar intolerancën dhe diskriminimin ndaj personave LGBTI të kryhen në të gjitha nivelet administrative (vendore/rajonale dhe kombëtare) dhe të lehtësojnë përfshirjen e një game të gjerë aktorësh nga sektorë të ndryshëm të shoqërisë, përfshirë nga sfera ligjore, sociale, fetare, arsimore, kulturore dhe shoqëria civile. Masa të tilla duhet të adresojnë ndikimin e pabarazive gjinore dhe dëmeve me bazë gjinore. Politikat e miratuara për të rritur barazinë gjinore duhet të marrin parasysh përvojat e grave lezbike, biseksuale, transgjinore dhe interseksuale.
• Të sigurohet që ligjet dhe politikat kundër krimit të urrejtjes dhe kundër diskriminimit ofrojnë mbrojtje efektive për personat LGBTI dhe përmbahen nga miratimi i ligjeve ose i politikave të cilat viktimizojnë, diskriminojnë ose legjitimojnë urrejtjen ndaj personave LGBTI.
• Të sigurohet që të gjithë personat dhe grupet LGBTI të mund të shprehin lirisht dhe të kenë akses në pikëpamjet dhe informacionin për të drejtat e tyre dhe pozicionin e tyre në shoqëri, në mënyrë të sigurt dhe të lirë nga ngacmimet apo sulmet, dhe të mbrohen plotësisht nga policia dhe autoritetet e tjera përkatëse.
• Të inkurajohen partitë politike dhe aktorët politikë individualë, veçanërisht ata në pozita udhëheqëse, që të kundërshtojnë në mënyrë aktive gjuhën e urrejtjes anti-LGBTI, veçanërisht përmes kundërfjalimit, dhe t’u përmbahen plotësisht parimeve dhe rregullave të përfshira në Kartën e Partive Politike Evropiane për një shoqëri joraciste dhe gjithëpërfshirëse e miratuar nga Asambleja Parlamentare e Këshillit të Evropës.
• Të sigurohet që mandatet e organeve të barazisë të mbulojnë shprehimisht diskriminimin bazuar në orientimin seksual aktual ose të perceptuar, identitetin gjinor ose karakteristikat gjinore. Organet e barazisë duhet të kenë të njëjtat kompetenca, burime dhe përgjegjësi për të ofruar mbrojtje efektive për të drejtat e njeriut të personave LGBTI siç bëjnë për të drejtat e njeriut të grupeve të tjera brenda mandatit të tyre, duke përfshirë të drejtën për të nxjerrë rekomandime dhe për të monitoruar zbatimin e tyre.

Video promocionale