Kryeministri Edi Rama priti në një takim Princin e Kurorës së Abu-Dabit, Sheik Kaled bin Mohamed Al Nahjan (Sheikh Khaled bin Mohamed Al Nahyan). Përmes një postimi në rrjetet sociale, Rama tha se foli më të për ecurinë pozitive të projekteve të përbashkëta.

Përmes Fondit Për Zhvillim të Abu-Dabit janë financuar një sërë projektesh të rëndësishme për Shqipërinë.

Ndër to është rehabilitimi i lumit të Tiranës dhe ndërtimi i Bulevarit të ri, si edhe rruga Tiranë-Elbasan.

Rama është takuar me princin e kurores se Abu-Dabit edhe në fillim të vitit 2020, ku i kërkoi mbështetje për procesin e rindërtimit pas tërmetit të nëntorit 2019.

Në prill të këtij viti u firmos marrëveshja mes Autoritetit Kombëtar për Certifikimin Elektronik dhe Sigurinë Kibernetike në Shqipëri dhe Këshillit të Sigurisë Kibernetike të Emirateve të Bashkuara Arabe, sipas të cilës do të financoheshin një pjesë të kontratave të sigurisë kibernetike të nënshkruara nga Shqipëria me kompani izraelite.

Në atë kohë kryeministri Rama e konsideroi këtë marrëveshje të një rëndësie të jashtëzakonshme strategjike për vendin.