Rama: Dialogu Kosovë-Serbi të ngrihet në nivelin e një konference ndërkombëtare
Rama: Më shumë se kurrë më parë nevojitet një format i ri i dialogut të normalizimit
Kryeministri Edi Rama lidhur me situatën Kosovë-Serbi theksoi sot se, “më shumë se kurrë më parë nevojitet një format i ri i dialogut të normalizimit, me bisedime të pandërprera, në një konferencë të nivelit më të lartë ndërkombëtar”.
Rama tha se “nëse kohë përpara këtyre zhvillimeve kaq dramatike e kam thënë dhe kërkuar disa herë publikisht, zyrtarisht në instancat më të larta të komunitetit euroatlantik,
se formati i dialogut të normalizimit duhej ngritur në nivelin e një konference të normalizimit, me planin frako-gjerman si udhërrëfyes në tryezën e bisedimeve të pandërprera,
ndërsa përfaqësimi i BE dhe i komunitetit euroatlantik në dialog, duhej ngritur edhe ai në nivelin më të lartë me Francën dhe Gjermaninë në Konferencë në nivelin e Presidentit dhe të Kancelarit, si bashkautore të këtij plani,
sot besoj është e qartë për të gjithë të minimalisht formati i derisotëm i Brukselit, ku “venë e vijnë” dy burra nga këtej dhe “hyjnë e dalin” dy burra atje, nuk ka më asgjë për t’i ofruar paqes në këtë situatë të re”.
Më shumë lajme
