Shqipëria i ka ardhur në ndihmë Greqisë me 49 efektivë zjarrfikës, 5 mjete zjarrfikëse dhe 4 mjete mbështetëse nga Forcat e Armatosura dhe bashkitë ndërkufitare të Korçës dhe Maliqit për përballimin e situatës së krijuar nga zjarret në Alexandroupuli.

Kryeministri Edi Rama ndau sot në rrjetet sociale momente nga mbërritja e forcave shqiptare të Mbrojtjes Civile në Greqi.

“Forcat tona të Mbrojtjes Civile kanë hyrë në Greqi për t’i ardhur në ndihmë fqinjit tonë, në shuarjen e zjarreve të egra në Alexandroupuli”, tha Rama.

Më herët sot, kryeministri i Greqisë, Kyriakos Mitsotakis falënderoi Shqipërinë për trupat dhe mjetet zjarrfikëse që dërgoi për të asistuar me shuarjen e zjarreve në vend.