Kryeministri Edi Rama i shprehu sot solidaritetin Greqisë për situatën e zjarreve të rëna në Greqi.

Rama tha se është e trishtueshme që të shikosh vendin fqinj që lufton me zjarret.

“Është shumë e trishtueshme të shikosh vendin tonë të bukur fqinj që vuan vazhdimisht nga zjarret, ndërsa populli i guximshëm grek dhe të gjithë ata në uniformë që luftojnë kundër shkatërrimeve të tilla meritojnë solidaritetin tonë të plotë dhe admirimin e thellë”, ka shkruar Rama në rrjete sociale.

Greqia është përfshirë në disa zona nga flakët. Banorët e rajoneve të prekura nga flakët janë evakuuar, ndërsa zjarri vijon të përhapet me shpejtësi për shkak të temperaturave të larta dhe erërave të forta.