Kryeministri Edi Rama i cilësoi të pabaza reagimet mbi draftstatutin e Asociacionit, në kohën kur sipas tij, nuk e dinë se çfarë pëmban.

“Ata që shajnë e akuzojnë pa e ditur fare çka përmban draftstatuti i Asociacionit kanë frikë vetëm nga një gjë: se mos humbasin armikun që u krijon kushtin ekzistencial që të flasin dhe të sillen si në llogore, ndërkohë që lufta ka mbaruar në 1999 dhe armiku është mundur!”, deklaroi Rama përmes një statusi në rrjetin social “Twitter”.

Ata që shajnë e akuzojnë pa e ditur fare çka përmban draft-Statuti i Asociacionit kanë frikë vetëm nga një gjë: Se mos humbasin armikun që u krijon kushtin ekzistencial që të flasin dhe të sillen si në llogore, ndërkohë që lufta ka mbaruar në 1999 dhe armiku është mundur!

— Edi Rama (@ediramaal) June 9, 2023

Kryeministri Rama njoftoi pak ditë më parë se i ka përcjellë presidentit Macron dhe kancelarit Scholz një draft për Asociacionin e komunave serbe, për të cilin ka vënë në dijeni dhe presidentin e KE-së, Charles Mishel dhe palën amerikane.

Rama deklaroi se “krijimi i asociacionit të komunave serbe në Kosovë është çelësi për të hapur përfundimisht derën e afirmimit ndërkombëtar të Republikës së Kosovës e njohjes së saj nga të gjithë, e uljes së saj në Kombet e Bashkuara dhe të gjithë forumet ndërkombëtare dhe e njohjes së ndërsjellë me Serbinë”.