Zana Karafili, “Zonja e Madhe” e Përmetit!

Me rastin e 75-vjetorit të lindjes së një prej “Zonjave” të mëdha përmetare.

Nga Dash Frashëri,
moderator i grupit “Përmetarë në Vite”

Zana Karafilin, bashkëshorten e mësuesit të respektuar Nepton Mero, mund ta përshkruaja me dhjetëra epitete nga më të bukurat. Por, në 75-vjetorin e e lindjes, besoj se i përmbush një: “Zonja e Madhe e Përmetit”.

75 vitet e Zanës kanë qenë shumë dinamike dhe në kontrast, pasi ka përballuar si individ dhe familje shumë vështirësi të pamerituara, por ajo ka mbetur e njëjta. Me buzëqeshjen e saj. Me dashamirësinë e saj. Me dashurinë e saj për Përmetin.

Një rikthim pas disa dekadash më risjellin çiftin më modern të qytetit në vitet 1970. Neptoni, vëllai i një prej inxhinierëve dhe pedagogët më të mirë shqiptarë, Agim Mero, i dënuar padrejtësisht nga regjimi i mëparshëm, dhe Zana, mbesë e At Stath Melanit, patriotit të madh. Dy botë të mëdha. Të bashkuara në një lidhje të përjetshme.

Një përmetare e devotshme, dhe për më tepër – dua ta theksoj – një patriote e madhe. Promovuese e historisë më të bukur shqiptare. E kauzës shqiptare.

Së bashku edhe përmetarin e ndjerë, Vasil Logon, si dhe përmetarë e tjerë si Genc Muço, Fatmir Shahini, etj, themeluan në Athinë në vitet 2000, Shoqatën e Përmetit, duke u njohur zyrtarisht dhe të lincecuar nga shteti grek. Një kurorëzim përpjekjesh titanike, duke marrë parasysh edhe atmosferën e atyre viteve në qarqet nacionaliste greke.

Zana ka një lidhje të përheshme me “Përmetin e luleve”. Mikeshat e saj përmetare. Ruan traditat më të mira të mikpritjes, që e kanë bërë të famshëm Përmetin.

E vetëdijshme për kontributim e parardhësve të saj, nga At Stath Melani, i shpallur me dekret presidencial “Nderi i Komnbit”, por edhe te mësuesi i shquar përmetar, Eftim Kosta Lako, ose mësues Çiçimin, mësuesin e shumë brezave në Permet, ajo përpiqet gjithmonë t’iu japë mesazhe patriotike dhe kulture gjeneratav e të reja.

Zana dhe Neptoni ndërtuan një familje të bukur, me fëmijë të mirëarsimuar. Dhe tashmë janë gjyshër të lumtur. Siç edhe e meritojnë.

Po Zana, vallë çfarë mendon për jetën e saj. A ka ajo pengje? Dilema? Ëndrra të parrealizuara? Çfarë bisedon ajo me veten e saj? Çfarë i thotë Zanës para pasqyrës!