Ministrja e Bujqësisë dhe Zhvillimit Rural, Frida Krifca pjesë e delegacionit që po zhvillon një vizitë zyrtare në Japoni, ka takuar kryetarin e Kuvendit të Japonisë, Hiroyuki Hosoda.
Në një postim në rrjete sociale, Krifca njofton se në fokus të diskutimeve ishte nxitja për më shumë shkëmbim tregtar, në bujqësi, në turizëm, manifakturë e digjitalizim.
“Nder i veçantë takimi me Hiroyuki Hosoda, Kryetar i Kuvendit të Japonisë, dhe shkëmbimi produktiv me anëtarët e grupit të miqësisë Japoni-Shqipëri, në Kuvend. Folëm gjerë e gjatë për Shqipërinë, rolin në Këshillin e Sigurisë, njerëzit e saj punëtorë e të palodhur, nxitjen për më shumë shkëmbim tregtar, në bujqësi, në turizëm, manifakturë e digjitalizim dhe këtë miqësi me rëndësi strategjike”, shkruan Krifca.
