Kryetari i grupit parlamentar në Partinë Demokratike, Gazment Bardhi, priti sot në një takim të Ngarkuarën me Punë të Ambasadës së Shteteve të Bashkuara në Tiranë, Nancy VanHorn, në nisje të sesionit të ri parlamentar.

Gjatë takimit, Bardhi bëri të ditur se diskutuan mbi aktualitetin e axhendës së Kuvendit, prioritetet që janë përpara dhe forcimin e mëtejshëm të marrëdhënieve të shkëlqyera mes dy vendeve tona.

Bardhi theksoi se Shtetet e Bashkuara të Amerikës janë një aleat i çmuar dhe strategjik i Shqipërisë.

“Jemi krenarë që qëndrojmë së bashku si aleatë në NATO dhe të vendosur për të vijuar forcimin e partneritetit tonë të ngushtë dhe të qëndrueshëm”, tha ai.

Marrë nga ATSH