Gjirokastra në sytë e turistëve të huaj: Histori, arkitekturë dhe mikpritje

Kryeministri Edi Rama ndau në rrjetet sociale video me përshtypjet e turistëve për Gjirokastrën, ku vizitorë nga Australia, Suedia, Zelanda e Re, Belgjika, Holanda dhe vende të tjera tregojnë për eksperiencat e tyre në këtë qytet.


Gjirokastra vijon të tërheqë turistë nga vende të ndryshme të botës, të cilët e përjetojnë “qytetin e gurtë” përmes historisë, arkitekturës, traditës dhe mikpritjes.

Kryeministri Edi Rama ndau në rrjetet sociale video me përshtypjet e turistëve për Gjirokastrën, ku vizitorë nga Australia, Suedia, Zelanda e Re, Belgjika, Holanda dhe vende të tjera tregojnë për eksperiencat e tyre në këtë qytet.

“Jam nga Australia dhe vendi im i preferuar në Gjirokastër është tuneli i Luftës së Ftohtë”, shprehet një turist, ndërsa një vizitore nga Suedia veçon Muzeun Etnografik.

“Më pëlqen vërtet shumë Muzeu Etnografik”, shprehet ajo.

Pazari është një tjetër prej pikave më të pëlqyera për pushuesit e huaj. “Është kaq multikultural dhe mund të blesh shumë gjëra”, thotë një turist, ndërsa një tjetër veçon kombinimin mes Kalasë dhe Pazarit të Ri.

Edhe Qyteti i Vjetër në Gjirokastër ka lënë mbresa te vizitorët. “Pjesa ime e preferuar nga sot ishte Qyteti i Vjetër”, shprehet një turiste nga Zelanda e Re.

Kështjella, përveç historisë dhe arkitekturës, vlerësohet edhe për panoramën që ofron mbi qytetin. Një vizitore shprehet se i pëlqeu shumë pamja e Gjirokastrës nga sipër, ndërsa vajza e saj veçon “të gjitha armët e vjetra, topat, parzmoret dhe skulpturat”.

Mes atraksioneve të përmendura është edhe Ura e Ali Pashës. “Vij nga Belgjika dhe ajo që më pëlqeu më shumë në Gjirokastër është ura, Ura e Ali Pashës”, tregon një vizitore.

Shtëpia e Zekatëve është një tjetër pikë që ka impresionuar turistët. “Është një shtëpi shumë e bukur, kaluam një orë këtu dhe thjesht… uau!”, shprehet një prej vizitoreve.

Në rrëfimet e tyre nuk mungojnë as përvojat gastronomike. Një turist nga Holanda, pas vizitës në qytet, thotë se i pëlqen rakia.

“Një raki në ditë mban doktorin larg, kështu kam dëgjuar”, tha ai.

Mes turistëve, janë edhe disa shqiptarë nga Dibra dhe Kërçova. Një vizitor nga Zajazi i Kërçovës, i cili ndodhet për herë të tretë në Gjirokastër, e cilëson qytetin si destinacionin e tij të preferuar.

“Gjirokastra është komplet vendi i preferuar për mua”, shprehet ai, duke veçuar Kalanë, pamjet mbi luginën e Drinos dhe arkitekturën e qytetit.

Përshtypjet e turistëve përcjellin një panoramë të Gjirokastrës si destinacion i ndërthurjes së trashëgimisë, historisë, arkitekturës, natyrës dhe traditës, duke sjellë përmes zërit të vizitorëve përvojën e tyre në një prej qyteteve më karakteristike turistike të vendit tonë.

Marrë nga ATSH

Lexo më shumë nga

Shkelja e rregullave për produktet digjitale, gjoba deri në 15 mln lekë ose 2,5% të xhiros për kompanitë

Masat janë pjesë e projektligjit “Për kërkesat e sigurisë kibernetike për produktet me elementë digjitalë dhe qëndrueshmërinë kibernetike”, i cili…

Global 360

Vendet evropiane vendosin kushte për bisedimet e sigurisë me Rusinë

Një shumicë e madhe e vendeve evropiane janë të gatshme të zhvillojnë bisedime me Rusinë për çështjet kryesore të sigurisë…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

Shkelja e rregullave për produktet digjitale, gjoba deri në 15 mln lekë ose 2,5% të xhiros për kompanitë

Masat janë pjesë e projektligjit “Për kërkesat e sigurisë kibernetike për produktet me elementë digjitalë dhe qëndrueshmërinë kibernetike”, i cili…