Kryeministri Edi Rama, tha sot se po punohet për ndryshimin e ligjit “Për investitorët strategjikë”.

Në një konferencë të përbashkët për medie me negociatoren për Kapitullin 5: “Prokurimi Publik”, njëkohësisht drejtore e përgjithshme e Agjencisë së Prokurimit Publik, Reida Kashta (Shahollari), mbi zhvillimet kryesore në fushën e prokurimit publik, Rama tha se në konsultim me Bashkimin Evropian po punohet për një ligj të ri për investitorët strategjikë.

“Ligji ekzistues është shtyrë vetëm për të mos lënë një vakuum mes ligjit të vjetër dhe atij të ri. Ligji për investitorët strategjikë ka qenë një ligj i imponuar nga një kohë e caktuar dhe jo një shpikje e jona. Falë atij ligji kemi bërë shumë gjëra që vendet e tjera i kishin bërë më parë”, tha Rama.

Ai shtoi se qeveria synon ta shfuqizojë ligjin aktual dhe ta zëvendësojë me një ligj të ri, i cili sipas tij, ndodhet në fazat e fundit të konsultimit.

Burimi ATSH