Ibrahimaj: Bizneset e reja rritje 14,6%, qarkullimi i kompanive 29,3 mld euro në janar-shkurt

Ministrja e Ekonomisë dhe Inovacionit, Delina Ibrahimaj, deklaroi sot se treguesit ekonomik dhe financiar të vendit për janar dhe shkurt 2026 tregojnë rritje të qëndrueshme të aktivitetit të biznesit dhe të qarkullimit në të gjithë sektorët e ekonomisë.


Ministrja e Ekonomisë dhe Inovacionit, Delina Ibrahimaj, deklaroi sot se treguesit ekonomik dhe financiar të vendit për janar dhe shkurt 2026 tregojnë rritje të qëndrueshme të aktivitetit të biznesit dhe të qarkullimit në të gjithë sektorët e ekonomisë.

Referuar të dhënave zyrtare, ministrja bëri të ditur se, “në dy muajt e parë të vitit janë regjistruar 3760 biznese të reja, duke shënuar një rritje prej 14,6% krahasuar me të njëjtën periudhë të vitit të kaluar. Qarkullimi i kompanive në vend ka arritur në 29,3 miliardë euro, një rritje prej 5% në krahasim me vitin 2025”.

Sa i përket sektorëve, kryeson sektori i shërbimeve me një rritje prej 8% të qarkullimit, ndërtimi me rritje 8%. Pas tij renditen prodhimi me 4%, tregtia me 3% dhe transporti me 2%.

Ibrahimaj vuri në dukje se “shëndeti i bizneseve shqiptare, i shpërndarë në të gjithë sektorët, ka vijuar të përmirësohet. Të dhënat paraprake mbi treguesit e punësimit dhe aktivitetin ekonomik tregojnë për një vijimësi të rritjes edhe për periudhat e ardhshme”.

Sipas saj, ky trend pozitiv reflekton forcimin e klimës së biznesit dhe besimin e sipërmarrësve në ekonominë shqiptare, duke krijuar një bazë të fortë për zhvillimin e mëtejshëm dhe rritjen e qëndrueshme të tregut.

Ajo vlerësoi se rritja e numrit të bizneseve të reja dhe e qarkullimit në sektorët kryesorë, sidomos në shërbime dhe ndërtim, është tregues i një dinamike të shëndetshme ekonomike dhe i stabilitetit makroekonomik në vend.

Ky zhvillim, sipas ministres, do të ndikojë pozitivisht edhe në tregun e punës, duke mbështetur rritjen e punësimit dhe fuqizimin e konsumit, faktorë kyç për avancimin e zhvillimit ekonomik në periudhat e ardhshme.

Burimi ATSH

30% të tatimit mbi fitimin, Gonxhja: Projektligji i sponsorizimeve në sport e kulturë, partneritet mes shtetit dhe biznesit

Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

30% të tatimit mbi fitimin, Gonxhja: Projektligji i sponsorizimeve në sport e kulturë, partneritet mes shtetit dhe biznesit

Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të…