Liderët ndërkombëtarë të biznesit shprehën besim të fortë në perspektivën ekonomike dhe stabilitetin afatgjatë të Kinës, gjatë hapjes së Forumit të Zhvillimit të Kinës 2026 të dielën në Pekin.

Kryeministri i Kinës Li Qiang tha gjatë fjalimit kryesor në ceremoninë e hapjes, se zhvillimi i Kinës do të vazhdojë të ofrojë “siguri” në një mjedis global gjithnjë e më të pasigurt.

Në këtë kuadër, CEO i “Apple”, Tim Cook, nën cilësinë e bashkëkryetarit të forumit të këtij viti, nënvizoi besimin e bizneseve globale në inovacionin, forcën prodhuese dhe stabilitetin afatgjatë të Kinës.

Në fjalimin e tij, Cook vlerësoi komunitetin e zhvilluesve të Kinës, si një shtytës kryesor të inovacionit, duke vënë në dukje se zhvilluesit po përdorin teknologjinë për të ndihmuar njerëzit të mësojnë aftësi të reja, të menaxhojnë shëndetin e tyre dhe të sjellin ide të reja në jetë. Ai e përshkroi këtë ekosistem si një motor të fuqishëm, që mbështet rritjen dhe zgjeron mundësitë.

Cook theksoi gjithashtu transformimin e shpejtë të sektorit të prodhimit të Kinës, ku automatizimi dhe teknologjitë inteligjente kanë përmirësuar ndjeshëm efikasitetin dhe saktësinë. Ai tha se kompanitë që dikur mbështeteshin shumë në proceset manuale, janë bërë ndër prodhuesit më të avancuar në botë.

Si bashkëkryetar, Cook theksoi angazhimin afatgjatë të “Apple” ndaj Kinës dhe bashkëpunimin e ngushtë me partnerët lokalë. Ai tha se inovacioni, zhvillimi i gjelbër dhe arsimi, janë të lidhura thellësisht dhe formojnë një vizion të përbashkët për rritje të qëndrueshme.

foto nga VCG

Forumi tërhoqi një formacion të fortë drejtuesish globalë, duke reflektuar interesin e vazhdueshëm ndërkombëtar për tregun e Kinës. Pjesëmarrësit përfshinin udhëheqës nga kompani të mëdha shumëkombëshe në sektorë të tillë si teknologjia, financa, prodhimi dhe kujdesi shëndetësor, së bashku me përfaqësues nga organizatat ndërkombëtare dhe ekonomistët kryesorë.

Liderët e biznesit të pranishëm në forum, theksuan gjithashtu rolin e Kinës si një nxitës i inovacionit dhe një treg kyç për produktet e reja. Denis Depoux, drejtor menaxhues global i “Roland Berger”, tha se Kina është bërë një burim inovacioni, si dhe një provë për teknologjitë dhe zgjidhjet e reja.

Të tjerë theksuan rëndësinë e qartësisë së politikave dhe planifikimit afatgjatë. Philippe Delorme, CEO i “KONE Corporation”, tha se drejtimi i qartë i zhvillimit të Kinës, duke përfshirë fokusin e saj në rinovimin urban, teknologjinë e gjelbër dhe digjitalizimin, ofron udhëzime të vlefshme për vendimet e investimeve të kompanive globale.

Prania dhe sugjerimet e tyre nxorrën në pah xinin në qëndrueshmërinë ekonomike të Kinës, si dhe rolin e saj si një forcë të qëndrueshme në ekonominë globale, panvarësisht pasigurive të vazhdueshme.

Burimi CGTN