Kryeministri Edi Rama zbardhi sot detaje nga pritja në kryeministri e ambasadores së Shteteve të Bashkuara të Amerikës në Athinë, Kimberly Guilfoyle.

I pyetur nga gazetarët gjatë konferencës për shtyp rreth arsyes së vizitës, Rama tha se takimi me ambasadoren e ShBA-ve ishte një takim njohjeje.

“Ambasadorja ka ardhur për të diskutuar për disa çështje që janë çështje të interesit të lartë amerikan në këtë rajon të cilat kanë të bëjnë me energjinë, me bashkëpunimin rajonal dhe me qasjen ndaj forcave të treta, aktorëve të tretë”, tha Rama.

Nga ana tjetër, Rama tha se “ambasadorja e ShBA-ve në Athinë është një përfaqësuese botërisht e njohur në politikën amerikane, drejtpërdrejt nga rrethi i ngushtë vendimmarrës i Trump”.

Burimi ATSH