Presidenti i Komitetit Olimpik Kombëtar Shqiptar (KOKSH), Fidel Ylli, i shoqëruar nga sekretari i përgjithshëm, Gerti Shima, po marrin pjesë në punimet e Asamblesë së 15-të të Përgjithshme të Islamic Solidarity Sports Association (ISSA), që po zhvillohet në Taif të Arabisë Saudite.

Gjatë punimeve, delegacioni i KOKSH ka zhvilluar takime me presidentë të Komiteteve Olimpike, drejtues të organizatave sportive dhe personalitete të sportit, me fokus forcimin e bashkëpunimit dhe marrëdhënieve institucionale në arenën ndërkombëtare.

Në qendër të Asamblesë është e ardhmja e ISSA-s, zgjedhja e Bordit të ri Ekzekutiv për periudhën 2026–2029, si dhe përcaktimi i prioriteteve strategjike të organizatës për katër vitet e ardhshme.

KOKSH vijon angazhimin në arenën ndërkombëtare, me synim promovimin e sportit shqiptar dhe forcimin e lidhjeve me komunitetin sportiv botëror.

Burimi ATSH