Ministri i Brendshëm, Besfort Lamallari ka pritur në takim të Dërguarin e Posaçëm të Bashkimit Evropian për Çarmatimin dhe Mospërhapjen, Stephan Klement, shoqëruar nga përfaqësues të Zyrës Rajonale të SEESAC dhe UNDP Albania.

Ata kanë diskutuar mbi arritjet e Shqipërisë në kuadër të Udhërrëfyesit Rajonal për Kontrollin e Armëve, sfidat e përbashkëta që i kanosen rajonit dhe Bashkimit Evropian, si dhe forcimin e mekanizmave të kontrollit.

“Shqipëria mbetet një partner i besueshëm i BE dhe një kontributor aktiv në përpjekjet për paqe, stabilitet dhe siguri, duke përmbushur me përgjegjësi angazhimet e saj ndërkombëtare dhe duke avancuar me vendosmëri në procesin e integrimit evropian”, thekson Lamallari pas takimit.

Burimi ATSH