Shqipëria është anëtarësuar në ECLFM (European Council of Legal and Forensic Medicine), organi më të lartë evropian i mjekësisë ligjore.

Ministri i Drejtësisë, Toni Gogu theksoi se anëtarësimi i Shqipërisë në ECLFM forcon pozicionin e vendit tonë në komunitetin evropian të mjekësisë ligjore dhe hap mundësi të reja për zhvillim profesional e shkencor.

Sipas ministrit, anëtarësimi i mundëson Shqipërisë të përfaqësohet zyrtarisht në organin më të lartë evropian të mjekësisë ligjore, të kontribuojë në hartimin e standardeve evropiane për autopsitë, hetimin e vendit të ngjarjes dhe ekspertizat mjekoligjore, si edhe të marrë pjesë në projekte shkencore dhe grupe ndërkombëtare pune.

Gjithashtu, sipas Gogut, ky anëtarësim pritet të forcojë bashkëpunimin me institucionet homologe evropiane, të përmirësojë trajnimin dhe kualifikimin e specialistëve shqiptarë si dhe të rrisë besueshmërinë dhe njohjen ndërkombëtare të Institutit të Mjekësisë Ligjore.

“Një arritje që e afron Shqipërinë me standardet më të mira evropiane dhe fuqizon cilësinë e ekspertizës mjekoligjore në shërbim të drejtësisë”, theksoi Gogu.

Burimi ATSH