Ibrahimaj: Bonus 5 mijë lekë për pensionistët, shpërndarja nis nesër

Ministrja e Ekonomisë dhe Inovacionit, Delina Ibrahimaj deklaroi sot pas mbledhjes së Këshillit të Ministrave se qeveria ka vendosur akordimin e një bonusi të ri për pensionistët, atë të verës, me vlerë 5 mijë lekë, i cili do të nisë të shpërndahet që nga dita e nesërme.


Ministrja e Ekonomisë dhe Inovacionit, Delina Ibrahimaj deklaroi sot pas mbledhjes së Këshillit të Ministrave se qeveria ka vendosur akordimin e një bonusi të ri për pensionistët, atë të verës, me vlerë 5 mijë lekë, i cili do të nisë të shpërndahet që nga dita e nesërme.

Në nisje të deklaratës së saj, ministrja shprehu ngushëllimet për familjet e viktimave të aksidentit të ndodhur në autostradën Tiranë–Durrës, ku një minibus i linjës Berat–Tiranë doli nga rruga.

Ibrahimaj theksoi se vendimi për bonusin e verës vjen si rezultat i performancës pozitive të ekonomisë dhe rritjes së të ardhurave buxhetore, të cilat, sipas saj, po rishpërndahen për mbështetjen e shtresave në nevojë.

“Që prej fillimit të këtij mandati kemi deklaruar se të ardhurat shtesë të gjeneruara nga performanca pozitive e ekonomisë shqiptare do të shkojnë në mbështetje të pensionistëve. Duke parë ecurinë e të ardhurave gjatë pesëmujorit të parë të vitit dhe të ardhurat e mbledhura nga administrata tatimore dhe doganore, vendosëm të ndërmarrim këtë masë mbështetëse”, tha Ibrahimaj.

Ajo bëri të ditur se bonusi i verës do të përfitohet nga të gjitha kategoritë e 777.200 pensionistëve, përfshirë 656.325 pensionistë të pleqërisë dhe pensionit social, 65.636 përfitues të pensionit të invaliditetit, 48.400 përfitues të pensionit familjar, si dhe 6.840 përfitues të trajtimeve të veçanta financiare.

Sipas ministres, efekti financiar i kësaj mase është rreth 3,7 miliardë lekë, ndërsa shpërndarja do të nisë menjëherë.

“Rreth 30–40 mijë pensionistë që e marrin pensionin më 1 korrik do të përfitojnë që nesër edhe bonusin prej 5 mijë lekësh së bashku me pensionin”, u shpreh ajo.

Ibrahimaj shtoi se qeveria do të vijojë politikat e mbështetjes për pensionistët, duke synuar që rritja ekonomike të reflektohet drejtpërdrejt në rritjen e të ardhurave të tyre.

Burimi ATSH

30% të tatimit mbi fitimin, Gonxhja: Projektligji i sponsorizimeve në sport e kulturë, partneritet mes shtetit dhe biznesit

Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të…

Global 360

Haga vendos sot për Thaçin dhe katër të bashkëakuzuarit e tjerë për “pengim të drejtësisë”

Ish-presidenti i Kosovës, Hashim Thaçi dhe katër të bashkëakuzuarit e tij do të përballen sot me vendimin e Gjykatës Speciale…

Diplovista

Rama për “Kathimerini”: Nuk do të jap dorëheqjen, një pakicë po i vë flakën vendit

Kryeministri Edi Rama deklaroi sot në një intervistë për gazetën greke “Kathimerini” se nuk ka ndërmend të japë dorëheqjen, pavarësisht…

Gjeopolitika

SPECIALE/ Mbahet në Pekin Simpoziumi i 10-të i Nivelit të Lartë Kinë-Vendet e Europës Qendrore dhe Lindore

“Kina dhe vendet e Evropës Qendrore dhe Lindore në një botë në ndryshim: zhvillim i përbashkët, e ardhme e përbashkët”.

OPED

Kur feja bëhet instrument gjeopolitik: Kosova përtej simbolikës fetare

Një përgjigje ndaj Albatros Rexhajt. "Pse feja nuk duhet të bëhet busull e orientimit gjeopolitik të Kosovës".

Profil

MILANO 2026 – BBC: Lara Colturi, skiatorja që po bën Shqipërinë krenare

Lara Colturi është vetëm 19 vjeçe, por ajo mund të bëjë historinë olimpike duke u bërë medalistja e parë e…

Masmedia

30% të tatimit mbi fitimin, Gonxhja: Projektligji i sponsorizimeve në sport e kulturë, partneritet mes shtetit dhe biznesit

Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të…