Në Portalin Kombëtar të Punësimit dhe Aftësive, “Puna.gov.al”, i krijuar për të mbështetur tregun shqiptar të punës, janë tashmë të shpallura 6500 vende pune.

Ministrja e Ekonomisë dhe Inovacionit, Delina Ibrahimaj bëri të ditur sot se qindra pozicione në sektorë të ndryshëm janë të disponueshme për aplikim, për të gjitha nivelet arsimore.

Portali “Puna.gov.al” ofron informacion mbi vendet e lira të punës në Shqipëri.

“6500 vende të lira pune të shpallura në portalin www.puna.gov.al. Apliko online, shpejt dhe lehtë, në portalin www.puna.gov.al. Nëse keni nevojë për asistencë, drejtohuni pranë zyrës së punës më të afërt, ose na shkruani në email apo në WhatsApp për çdo pyetje apo ndihmë gjatë aplikimit”, shkruan Ibrahimaj, krahas një videoje informuese.

Agjencia Kombëtare e Punësimit dhe Aftësive funksion si portali i vetëm unik ku shpallen të gjitha vendet e lira të punës në administratën publike.

Ky sistem nuk shërben vetëm për shërbimin civil, por përfshin të gjitha strukturat dhe institucionet shtetërore.

Krijimi i kësaj agjencie rrit transparencën dhe aksesin e barabartë në administratën publike, duke e bërë më të thjeshtë për të rinjtë dhe për të gjithë qytetarët të aplikojnë për vendet e punës që u takojnë.

Burimi ATSH