Ministri i Drejtësisë, Toni Gogu prezantoi sot drejtorin e përgjithshëm të Agjencisë së Mbikëqyrjes në Sistemin e Ekzekutimit të Vendimeve Penale, Eduart Merkaj.

Gjatë prezantimit, Gogu theksoi rëndësinë e forcimit të sigurisë dhe standardeve në institucionet e ekzekutimit të vendimeve penale, duke nënvizuar nevojën për profesionalizëm, integritet dhe përgjegjësi në çdo hallkë të sistemit.

Gjatë prezantimit u diskutua për forcimin e rolit të institucionit në garantimin e ligjshmërisë dhe sigurisë.

Ministri theksoi nevojën për drejtpeshim, më shumë pavarësi, por edhe më shumë përgjegjshmëri, më shumë kapacitete hetimore, monitorimi dhe parandalimi në funksion të sigurisë dhe sundimit të ligjit.

“Siguria në institucionet e ekzekutimit të vendimeve penale kërkon profesionalizëm, integritet dhe përgjegjësi në çdo hallkë të sistemit”, u shpreh Gogu.

Ai shtoi se, në fazën ku ndodhet sot reforma në drejtësi dhe procesi i integrimit europian, standardet në sistemin penitenciar janë pjesë e standardeve të shtetit europian që po ndërtohen çdo ditë.