Kryeministri Edi Rama, e ka cilësuar Bashkimin Evropian, si një “bekim” për Shqipërinë, duke theksuar ndikimin e tij në forcimin dhe ndërtimin e institucioneve shtetërore.

Rama i bëri këto komente në “Galerinë Societe” në Berlin ku u çel dje ekspozita “Krizalimi” ku janë prezantuar 13 piktura e skulptura të Kryeministrit. Kjo ekspozitë do të qëndrojë e hapur për vizitorët deri më datë 27 maj.

Në hapje, Rama u intervistua nga Fabrizio Bucci, ambasadori italian në Berlin i cili ka shërbyer si ambasador dhe në Tiranë deri në fund të janarit 2025

Në bashkëbisedim, Kryeministri Edi Rama, mes artit dhe politikës, ka reflektuar mbi rrugëtimin transformues të Shqipërisë dhe raportin e saj me Bashkimin Evropian.

“Duke e cilësuar BE-në si një “bekim” për ndërtimin e institucioneve, Rama theksoi se pavarësisht natyrës së ndërlikuar të procesit, rezultatet në terren janë të dukshme”, njoftoi MIA.

Gjatë diskutimit, vëmendje iu kushtua edhe ndryshimit të qasjes së Bashkimit Europian ndaj rajonit, ku Rama theksoi nevojën që BE të përshpejtojë procesin e integrimit për vendet e Ballkanit.

​“Gjatë takimit u diskutua edhe ndryshimi i qasjes së BE-së dhe nevojën që ky bllok të lëvizë me ritme më të shpejta drejt integrimit të Ballkanit”, njoftoi MIA.

Burimi ATSH