Ambasadorja e Shqipërisë në Kirgistan, Blerta Kadzadej, paraqiti letrat kredenciale pranë Presidentit të Republikës së Kirgistanit, Sadyr Japarov, si ambasadore jo-rezidente, në një ceremoni zyrtare të zhvilluar në Bishkek.

Gjatë ceremonisë, Presidenti Japarov uroi Ambasadoren për fillimin e misionit të saj diplomatik dhe theksoi rëndësinë e forcimit të dialogut politik, bashkëpunimit ekonomik dhe lidhjeve kulturore ndërmjet vendeve.

Ambasadorja Kadzadej përcolli përshëndetjet e autoriteteve shqiptare dhe rikonfirmoi angazhimin për thellimin e marrëdhënieve dypalëshe, në frymën e bashkëpunimit dhe respektit të ndërsjellë.