Kryetari i Kuvendit, Niko Peleshi zhvilloi sot në Korçë një takim me presidentin e parlamentit të Landit Saksoni-Anhalt në Gjermani, Gunnar Schellenberger, në kuadër të forcimit të marrëdhënieve dhe shkëmbimeve ndërinstitucionale.

Gjatë takimit palët diskutuan mbi zhvillimin e qytetit të Korçë, duke vënë theksin te roli i arsimit, teknologjisë, kulturës dhe artit në identitetin dhe perspektivën e tij të ardhshme.

Në fokus të bisedimeve u përmend edhe Universiteti “Fan S. Noli”, i cili u vlerësua si një urë e rëndësishme për bashkëpunim akademik, shkëmbime studentore dhe zhvillimin e projekteve të përbashkëta.

Peleshi theksoi në një postim në rrjetet sociale se, presidenti Schellenberger u shpreh i impresionuar nga transformimi i Korçës ndër vite, duke vlerësuar energjinë, mikpritjen dhe potencialin zhvillimor të qytetit.

Burimi ATSH