Rreth 300 nxënës të shkollës “Tring Smajli” në Grudë do të kenë tashmë në dispozicion dy terrene të reja sportive, falë një investimi të bashkëfinancuar mes bashkisë së Shkodrës dhe Ministrisë së Arsimit dhe Sportit.

Kryeministri Edi Rama bëri të ditur se punimet janë drejt përfundimit dhe se projekti përfshin ndërtimin e dy terreneve të reja sportive, si edhe rikonstruksionin e jashtëm të godinës së shkollës.

“Drejt përfundimit për rilindjen dhe shtimin e dy terreneve të reja sportive në Shkollën ‘Tring Smajli’ në Grudë, Shkodër, në funksion të më shumë se 300 nxënësve”, u shpreh Rama.

Sipas tij, investimi synon përmirësimin e infrastrukturës arsimore dhe krijimin e kushteve më të mira për zhvillimin e aktiviteteve sportive dhe edukative për nxënësit.

Marrë nga ATSH