Ministri i Turizmit, Kulturës dhe Sportit, Blendi Gonxhja, u takua sot me Sekretarin e Përgjithshëm të UN Tourism, Zurab Pololikashvili, i cili në janar përmbyll mandatin e tij pas një periudhe të suksesshme në krye të organizatës.

Gonxhja vlerësoi kontributin e Pololikashvilit në promovimin e Shqipërisë në arenën ndërkombëtare, duke e cilësuar atë një bashkëpunëtor të çmuar dhe mik të vyer të vendit tonë.

“Një bashkëpunëtor i çmuar dhe mik i vyer i Shqipërisë, i cili vazhdimisht ka promovuar vendin tonë në arenën ndërkombëtare. Mirënjohës për mbështetjen e vazhdueshme dhe për miqësinë e tij të sinqertë, duke i uruar suksese në angazhimet e ardhshme”, u shpreh ministri Gonxhja.

Ministri i Turizmit, Kulturës dhe Sportit ndodhet në Riad, ku po merr pjesë në Asamblenë e 26-të të Përgjithshme të UN Tourism. Në kuadër të këtij samiti po zhvillohen takime dhe diskutime mbi zhvillimin e turizmit të qëndrueshëm, nxitjen e partneriteteve ndërkombëtare, inovacionin dhe përmirësimin e strategjive turistike në nivel global.

Burimi ATSH